Prokrastineringsassistanse

Sånn i tilfelle nokon mangla noko å kasta vekk tid på ...

 

Thank you for understanding how to English!

Kven treng språkkunnskapar når ein har Google Translate?!

   

 

 

 

Fleire vakre eksempel her.

 Og her ein ganske underhaldande artikkel frå BBC om eit tilfelle som får den avsindige nynorsken (og forsåvidt bokmålen) på ein del norske skilt til å bleikna litt.

 

Programvarefeilmeldingsforfattargrubling

Kven er eigentleg desse sjelene som sit og forfattar feilmeldingane ein får opp når noko går gale på datamaskina? Det slår meg at dei enten må ha ein skikkeleg dårleg (eller i det minste ekstremt intern) sans for humor, eller tilhøyra ein skriftkultur som er så radikalt forskjellig frå min (og dei fleste andre eg kjenner sin) at det som for dei høyrest rimeleg ut, for meg i mange tilfelle blir strålande eksempel på vakker absurditet.

Frå tidlegare er eg kjend med at ein del programvaretypar likar å vera høflege når dei har klappa saman,og gi deg alternativ av typen: "Vil du slå av, eller vil du slå av?" Eg har òg tidlegare vore innom nokre av dei meir spesielle forsøka internetten gjer på å kommunisera med meg.

I dag vart eg møtt med denne meldinga frå PASW Statistics, etter ein halvtimes fullstendig resultatlause forsøk på å få programmet til å gjera det det er meininga det skal gjera:

"The PASW Statistics Processor is terminating due to a catastrophic error. Any working file is lost."

OK, slapp av PASW, ingen grunn til panikk. Spesielt sidan du nettopp har nekta å legga inn noko som helst i den "tapte" fila ...
 

Den dramatiske starten vart følgt av: "A program error has occurred". 

Takk, det ante meg vel. Trur kanskje fyrste setninga kommuniserte dette grundig nok.

Det som verkeleg fekk meg til å stussa var likevel den siste biten:

"Please note the circumstances under which this error occurred, attempting to replicate it if possible".

   ???

Det har skjedd ein katastrofe!!!
- Sjå om du kan klara å få det til ein gong til ...?

Karriereveg?

Kanskje dette kan vera ein karriereveg å satsa på, dersom det skulle visa seg at draumejobben ikkje står klar og ventar på ein ...

Galaxy song

Kven seier at musikk ikkje kan vera lærerikt? Har ein ambisjon om å læra meg i alle fall nokre av faktaa i denne teksten ...

Møbelsnikring light

Eigentleg skulle eg jo vore møbelsnikkar, ikkje lingvist, men det er kanskje litt seint å gjera noko med no. Har likevel ambisjonar om store møbelsnikringsprosjekt ein gong i framtida, når eg får tid, ork og, ikkje minst, plass.
Veit ikkje heilt om dette eigentleg kan reknast som eit møbel, men monteringa innebar saging av trematerialar (rett nok med brødkniv, sidan eg berre eig grovsag og ikkje t.d. baufil), liming og litt hamring (oppheng...), så det er ikkje så langt unna. "Kunst&handverk" kanskje?
Har lenge tenkt at eg burde oppbevara øyrepynten min litt meir skånsamt, og samtidig gjera han litt meir tilgjengeleg (så langt har han budd i ein boks, noko som gjer at alt festar seg saman i store flokar og fell i fillebitar når eg desperat prøver å slita det frå kvarandre om morgonen).
Ganske fornøgd med resultatet, eigentleg. Fekk berre plass til ein brøkdel av øyrepynten min, men det vart meir dekorativt enn eg hadde tenkt. Har allereie litt lyst på ei ramme til, men det blir nok ikkje med det fyrste. Sjølve jobben var ikkje så vanskeleg eller tidkrevjande, men materialinnkjøp inneber ein tur på IKEA, og det er jo litt arbeidsamt...


Bildet vart ikkje så fantastisk, for fotoapparatet mitt nekta å virka i dag (litt bekymra for at det har teke skade av å bli oppbevart i minusgrader...) og snapshot-funksjonen til webkameraet mitt gir ikkje bilder av spesielt imponerande kvalitet, men eg håpar det i alle fall formidlar eit inntrykk av ideen.

Tilfeldig testing

Gleda ved tilfeldig internettesting:

The Holy Test:
Congratulations, you ave passed the Hypocrite Test!
You are officially Unholier Than Thou.
The world is a happier place with you in it.

The Nerd Test:
Your Score Summary:
Low Ranking Nerd. Definitely a nerd but low on the totem pole of nerds

The Stupid Test:

Internett og slikt

Fyrst vart Eldreven min, som eg vanlegvis er svært så god venn med og som uttrykker seg på (stort sett) fjong nynorsk (diktar til og med nye ord heilt sjølv), flau...:

...og i dag fekk eg denne feilmeldinga:

Det kan verka som internetten og vennene hans har gått litt inn for å uttrykka seg på eit språk eg forstår i det siste. Følte eg måtte uttrykka at det blir sett pris på.

Hmm...

.

OK, sånn bortsett frå at eg ikkje ha et eit einaste utkast me veiledar-kommentarar og at ein evt. Quarantine Section er litt mindre tilgjengeleg: denne var bittelitt freaky...

Tilfeldig internetting

Trur dette er den typen post som på Elin sin blogg fell i kategorien "Resultat av tilfeldig internetting..." Ikkje heilt sikker på korleis eg hamna på denne sida, men det er jo eit klassisk trekk ved internettsørfing. Uansett, har no slege fast at kanskje det er greit å vera språkmasterstudent likevel, samanlikna med andre ting ein kan ta seg til her i livet.
Nokre av desse jobbane skjønnar eg rett nok ikkje kvifor er med på listene, men andre er det meir forståeleg at ein har trekt fram. Personleg tykkjer eg kanskje "flatus odor judge" må vera ein av dei aller mest disgustingaste. Kva er det som får folk til å frivilleg utsetja seg for slikt?

Vestnorsk snurrepipp [snurrus pippus vestlandis]

Dagens absurditet

Ved-sida-av-meg-på-lesesalen-Rakel fekk nettopp denne SMSen (frå eit ukjend nummer):
"hva heter frida? hva heter du?"
Eit av livets store mysterium...

April and spaghetti harvest

I just realized it's the day for fooling people. I usually don't realize this until it is too late, but this year I don't think anybody has tried to fool me...

Anybody else been fooled today?

Have a nice first of April anyway, and don't worry too much about the spaghetti beetle!

(http://www.museumofhoaxes.com/hoax/aprilfool/)